حواراتمقابلة

أبو متعب الأمريكي في حوار مع “أنحاء” : تعلمت اللغة العربية لـ”أطقطق” على المبتعثين .. وتلقيت 100 ألف طلب زواج من سعوديات

حسن الحارثي – (أنحاء) : –

كشف الشاب الأمريكي “جوشوا”  الشهير بـ “أبو متعب الأمريكي” بعض تفاصيل حكايته وعلاقته بالسعودية والسعوديين، وقال في حوار مع صحيفة “أنحاء” أنه تعلم اللغة العربية عن طريق المبتعثين في ولاية تكساس وأصبح يتحدثها باللهجة، وتطرق الى أسباب تواجده في المملكة هذه الأيام،  وسبب عشقه لهذه البلاد.

وتحدث أبو متعب في حوار عبر الهاتف – على سجيته – حول تجربته في قناته على  اليوتيوب التي جذبت نحو 5  مليون مشاهد، وأكد على جانب آخر،  أنه تلقى طلبات زواج كتيرة من سعوديات وصلت الى 100 ألف طلب، يقولها على سبيل المبالغة.

وحاولنا أن ننقل الحوار كما هو مع بعض التعديلات الطفيفة فقط.

من هو ابو متعب ؟

اسمي جوشوا، بدوي أمريكي يحب السعودية.

من فين من أمريكا؟.

من تكساس، الصحراء الجنوبية، جوها قريب من السعودية، وفيها ناس متشددين ويحبون العلوم زيكم، وأهلي بدو مهاجرين من 300 سنة.

وأنت وينك الآن؟

الحين نزلت واحد من أصحابي.

أقصد في أي مكان؟

آآآآه أنا في جدة ازور المدينة، ولي في السعودية شهرين، أتنقل بين الطائف ومكة والرياض والدمام والخبر.

كم عمرك يا بو متعب؟

عمري 21 طال عمرك.

وما سبب زيارتك للسعودية؟

أحب السعودية وأحب أهلها.

وليش تحب السعودية؟

السعودية أحسن بلد يستخدم الشريعة، وعندهم أمان ومافي قتل مثل أمريكا، أبيك تعطيني حادث قتل فيها 14 شخص منذ جهيمان، مثل اللي حصل في كولورادو.

كيف تعلمت العربي؟

تعلمت من صديقي عبدالله محمد العمري “مبتعث”، وقبله واحد اسمه ظافر الشهري، والحققيقة كنت أجلس مع السعوديين وكانوا يطقطقون علي ويقولون لي “يالدب” وتعلمت اللغة العربية عشان أدافع عن نفسي وأطقطق عليهم، الحين أتحداهم يطقطقون.

متى أصبحت مسلم؟

انا أمي مسلمه مهاجرة من تركيا، وولدت مسلم، وتعلمت أكثر عن الاسلام من المبتعثين الصوماليين.

وأبوك ما يقول لك شي لأنك مسلم؟

ما يقدر.

من الذي أطلق عليك كنية أبو متعب؟

أصحابي السعوديين المبتعثين.

ليش؟

يقولون ابو متعب الملك يخدم المبتعثين من السعودية، وأنا أخدمهم في أمريكا، وأي سعودي يحتاج أي خدمة على طول يكلم أبو متعب، وبعدين صرت مشهور.

وبعدها طلعت القناة؟

نعم، تعلمت العربي وصرت أرد عليهم اذا قالوا لي كافر ملعون “يمزحون”، وبعدين شجعوني أسوي القناة.

وين تصور الفيديوهات؟

غالبا في غرفتي، وهي مليانة أعلام سعودية وصور الملك.

يقال أنك صاير شيخ وتمشي مع الشيوخ ؟

يمكن ,, (يضحك).

مين قابلت من الأمراء؟

قابلت الأمير سلمان 3 مرات وكلها بالصدفة، الأولى في عزاء الأمير نايف وسلمت على راسه، والثانية في الديوان الملكي، والثالثة في الطواف في الحرم.

خلال زيارتك للسعودية، هل رحت البر؟

طبعا، تعلمت المقناص وكل حركات الهياط.

طيب وش رايك في البنات السعوديات؟

السعوديات اطخم بنات في العالم.

يعني أحلى من الأمريكيات؟

الامريكيات عندهم شكل ملعون والدين، بس السعوديات أخلاق وأدب.

مين أحسن شخصية سعودية عند أبو متعب.؟

احسن شخصية الملك عبدالله، والامير سلمان، ومحمد العريفي لأنه كاريزما ويتواصل مع الشعب ووسيم، وفايز المالكي.

ومين تحب من شباب اليوتيوب؟

أحب هادي الشيباني وعبدالرحمن بحير وبدر صالح.

هل هناك بنات عرضن عليك الزواج؟

اووووه كثير، أكثر من 100 الف عرض، بين الجوال وتويتر ويوتيوب، ومنهم  أبوان “آباء” يدقون علي ويطلبوني للزواج لبناتهم.

ليش برأيك يسوون كذا؟

عشاني مسلم، صدقني ما سألوني عندي بيت أو لا، كان كل اللي يبون يعرفونه أنا مسلم او غير مسلم.

كلمة أخيرة يابو متعب.

شكرا لكم وأنتظروني في العيد، عندي مفاجأة كبيرة، عبارة عن برنامج كوميدي فيه رسالة قوية وطقطقة، انتظروني.

الوسوم

مقالات ذات صلة

‫75 تعليقات

  1. أخي الكريم أبو متعب الأمريكي : أهنيك على كل هذه الفرصة ، وعمرك لازال 21 ..
    لكن يا ليت لو أصدقائك السعوديين قالوا لك إنّ المسلم ليس بالطعّان اللعّان ..
    لا تعوّد لسانك كثرة اللعن ، بارك الله فيك ..

  2. اوكي.. شخصية أبو متعب نالت اعجاب الكثيرين .. واهلا وسهلا فيه في ربوع مملكتي الحبيبة لكن اتمنى انه لا يطالب بالجنسية السعودية فقط لانه يحب المملكة .. بصراحة مو ناقصين طروش بحر

      1. ههههههههههههههههههه وانتي ليش معصبه وش عليك منه.. مره ثانيه قولي له 28993 ثم دي 9 سي .. المهم لا تتاخرين ي ويلك لو ماتضيفين

    1. لو الله ثم الطروش الا تتكلم عليهم ما كان حالك الان الا انت فية نحنا ربيناكم وعلمناكم ورجلناكم يا الخرفان خل عنك العنصرية وتعليقك دا اكبر دليل على انحطاطك الاخلاقي لانكم تمشون على تربية اهاليكم وانا متاكد مليون في المية اهلك مثلك وانت طالع ع تربيتهم يعني القافلة تسير وانتم لازلتم تنبحون والجنسية السعودية الان معد صارت مشرفة من ناس امثالك فلا تخاف لو جاتة راح يرفزها برجلة مو ناقص انه يتصنف من اشكال مثلك

      1. اخسسسسسس واعقب ياطرش البحر ياجزمه

        انت لولا تذللك انت وابوك مدري جدك ماخذت الجنسيه

        انت مجرد عامل هنا رغم انك تحمل الجنسيه

        بالله مالاحظت ياطرش البحر اقل شي لما توقفك دوريه يكلم من طرف خشمه ويعطيك المخالفه

        اما حنا يالبدو يالي تشتغل عندهم حتى المخالفه ماتنكتب لنا

        انت تدري وش فايدتكم عندنا

        بناتكم وبسسس

      1. منتب كفو انك تكون سعودي فارق لبلد يتحمل جهله مثلك السعوديه والسعوديين مستغنين ويشرفهم انك ماتكون منهم يالاحمق الجاهل مالت عليك

      1. السلام عليكم ورحمة اللله وبركاتة
        كلام الرجال غير صحيح ولا يسوى شي لانة (جاهل) ولكن المهم لمن اعتدى على القبائل وقال ….((لو الله ثم الطروش الا تتكلم عليهم ما كان حالك الان الا انت فية نحنا ربيناكم وعلمناكم ورجلناكم يا ..(الخرفان ..؟؟) ما ادري وش يقصد بالظبط ان اهل القبايل والنسب ما سوو شي وانهم خرفان فاذا كان في جاهل فما اجهل من الاول الا الثاني الله يخلف علييك انت وياة يا قليل الخاتمة …حسبي الله لا اله الا هو عليه توكلت وهو رب العرش العيظم

    2. ان كان قولة طروش بحر لأشخاص قدموا للجزيرة من غير العرب فأنت اغتبت نبيك اسماعيل عليه السلام ذو الدماء الكنعانية (فلسطينية) المصرية و من تلاه من اسلافه (نبينا محمد عليه السلام) بارك الله فيك لا تقول ما اقصد ذولي. اما توزن كلامك و تتكلم بالعقل و بالأدب ولا اقضب لسانك و اقعد دارك

    3. مو العيب أن الأصول مو سعودية ، العيب إذا كانت أخلاق الشخص دانية !

      حتى لو كان هالشخص من العمالة الأجنبية وحصل الجنسية السعودية بس أخلاقه عالية؛ فهو يمثل البلد كله ونفتخر فيه زي ما نفتخر في أي سعودي..

      وبالمثل،، يا كثر اللي أصولهم سعودية وما جابوا للسعودية ولأهلهم إلا الذل والمهانة.
      والأمثلة على هذا كثيرة..

    4. يا رجل الله يمحي أمثالك .. هذا الي قادنا للتخلف و أوردنا المهالك يا عنصري يا قذر .. لا فرق بين عربي ولا أعجمي إلا بالتقوى .. يمكن طرش أو عبد و أعلى مرتبة عند الله من أشكالك !!!

    1. ههههههههههههههههه قسم بالله انك نكته,, حبيبي جنسية مييين وهو معه الجواز الأمريكي..
      إذا أخذ الجنسية خله يبلها ويشرب مويتها

  3. أعتقد عاطينه أكبر من حجمه.. الي يتابع تغريدات هذا الإنسان، بيعرف إنه إنسان طائفي و لا أعتقد الطائفيه تمت بالإسلام صله. أنا لا أقدر هذا الإنسان على الإطلاق.

    1. تقول ان تغيرداته فيها طائفيه والاسلام ليس فيه طائفيه كلامك صحيح انظر الى رد
      عابر سبيل أغسطس 9, 2012 في 3:25 صباح #
      اوكي.. شخصية أبو متعب نالت اعجاب الكثيرين .. واهلا وسهلا فيه في ربوع مملكتي الحبيبة لكن اتمنى انه لا يطالب بالجنسية السعودية فقط لانه يحب المملكة .. بصراحة مو ناقصين طروش بحر

      اليست هذه طائفيه مع احترام لك اكثر طائفيه هي في السعوديه من حيث هذه من قبيلتي وهذا ليس من قبيلتي

    2. أوافقك الرأي. إنسان جدًا طائفي ومتشدد وما شاف من السعودية إلّا جزء واحد ويظن أنه “خابزنا” وصار جزء من مجتمعنا وهو كثير البعد عن ذلك.. بعدين حبه لجذب الإنتباه مثير للشفقة صراحة.

  4. تعقيبا للرد اللي فومو ناقصين طرش بحر اجل ? ههههه يا حبيبي معه جنسية امريكية احسن من 1000 جواز سعودي

    الحمدلله و الشكر بس

    1. ما اتفه من اللي رديت عليه الا انت
      هذا انتم يالسعوديين تفكرون ان الجنسيه الامريكيه احسن شي بالدنيا، وتستهينون بدولتكم ولا تعرفون قدرها.

      وابغا اوضح اني مااتفق مع كلام الجاهل اللي يقول مو ناقصين طروش ومدري ايش.

    2. فارق اجل من السعوديه اذا هي مو ماليه عينك وش مجلسك فيها تاكل من خيرها وامن فيها رح ذب وجهك على اي امريكي خله يعلمك ان لله حق

  5. كم هي طائفيه من ردد وقال طروش بحر لم نسمع بها في اي بلد عربي غير السعوديه طيب على كذا لاتعتبوا على الي ماعنده دين وبيهاجم العرب والمسلمين في بلاد الغرب اذا كنتم مسلمين وهذا كلامكم فلا عتب والله على الغرب

  6. يعني لازم كل موضوع فيه سعوديين يكون فيه هواش !
    وبخصوص ابو متعب الامريكي للأسف انه يلقط بعض الكلمات الرديئه اللتي لا تمت للدين الاسلامي الحنيف بصله وغير كذا يعني احسه تأثر ببعض السعوديين لدرجة انه صار طعس مثلهم :/